АСАКАДАГИ АВТОЗАВОДГА ЯНГИ РАҲБАР ТАЙИНЛАНДИ
GM Uzbekistan автомобиль йиғиш ширкати акцяидорларининг навбатдаги мажлисида ташкилий масала кўрилиб, Рустам Ражабов ширкатга раҳбар этиб тайинланган. Қизиғи, ширкат акциядорларининг кузатув кенгаши Ражабовга 3 ойлик раҳбарлик ваколатини берибди, холос. Яъни, бу 90 кунни синов муддати дейиш мумкин. Ширкатнинг собиқ раҳбари Тоҳир Жалилов жавобгарликка тортилиб, унинг бир қанча шериклари билан биргаликда сўроқлар бераётгани айтилмоқда.
Эслатиб ўтамиз, GM Uzbekistan қўшма корхонаси 2008 йилда АҚШнинг General Motors (25 фоиз) ва Ўзбекистоннинг “Ўзавтосаноат” АЖ (75 фоиз) томонидан “ЎзДэуАвто” ЁАЖ ўрнида ташкил қилинган эди. Компания қуввати йилига 250 минг автомобилни ташкил қилади.